മാസ്മരിക ബൗളിംഗ് പ്രകടനവുമായി ഇന്ത്യ അണ്ടർ-19 വനിതാ താരം; ഏകദിന മത്സരത്തിൽ പിഴുതത് 10 വിക്കറ്റുകൾ: വീഡിയോ

Share this News with your friends

മാസ്മരിക ബൗളിംഗ് പ്രകടനവുമായി ഇന്ത്യയുടെ അണ്ടർ-19 വനിതാ താരം. ഏകദിന മത്സരത്തിൽ എതിർ ടീമിൻ്റെ 10 വിക്കറ്റുകളും പിഴുതാണ് ചണ്ഡീഗഡ് താരം കഷ്‌വി ഗൗതം റെക്കോർഡിട്ടത്. അരുണാചല്‍ പ്രദേശുമായുള്ള മത്സരത്തിലായിരുന്നു യുവതാരത്തിന്റെ നേട്ടം. വിക്കറ്റ് വേട്ടയുടെ വീഡിയോ ബിസിസിഐ വിമൻ ട്വിറ്റർ ഹാൻഡിൽ പങ്കു വെച്ചിട്ടുണ്ട്.

മത്സരത്തിൽ ഒരു ഹാട്രിക്ക് ഉൾപ്പെടെയാണ് താരത്തിൻ്റെ റെക്കോർഡ് പ്രകടനം. 4.5 ഓവറിൽ ഒരു മെയ്ഡൻ അടക്കം 12 റൺസ് വഴങ്ങിയാണ് കഷ്‌വി 10 വിക്കറ്റ് വീഴ്ത്തിയത്. കഷ്‌വിയുടെ സമാനതകളില്ലാത്ത ബൗളിംഗ് പ്രകടനത്തിൻ്റെ മികവിൽ 160 റൺസിന് ഛണ്ഡീഗഡ് അരുണാചൽ പ്രദേശിനെ തകർത്തു. ചണ്ഡിഗഡിന്റെ 186 റണ്‍സ് എന്ന വിജയലക്ഷ്യം പിന്തുടര്‍ന്ന അരുണാചല്‍ പ്രദേശിന്റെ പോരാട്ടം വെറും 25 റണ്‍സില്‍ അവസാനിച്ചു.

You May Also Like

Leave a Reply

Your email address will not be published. Required fields are marked *